“(၃၆) ကြိမ်မြောက် အာဆီယံယှဉ်ပြိုင်မှုဆိုင်ရာ ကျွမ်းကျင်သူများအဖွဲ့အစည်းအဝေးကို ၂၀၂၆ ခုနှစ်၊ ဧပြီလ ၆ ရက်မှ ၁၀ ရက်အထိ လာအိုနိုင်ငံ၊ ဗီယန်ကျန်းမြို့တွင် ကျင်းပပြုလုပ်ခဲ့ပါသည်။ အဆိုပါ အစည်းဝေးနှင့်အတူ  “ဉာဏ်ရည်တု (Artificial Intelligence-AI)”ကြောင့် ‌ဈေးကွက်ယှဉ်ပြိုင်မှုအပေါ် သက်ရောက်မှုအလုပ်ရုံဆွေးနွေးပွဲနှင့် (၆)ကြိမ်မြောက်အာဆီယံ ယှဉ်ပြိုင်မှုဆိုင်ရာအာဏာပိုင်များ ကွန်ရက် (ASEAN Competition Enforcers Network-ACEN) အစည်းဝေးများကိုပါ တစ်ဆက်တည်း ကျင်းပပြုလုပ်ခဲ့ပါသည်။အာဆီယံအဖွဲ့ဝင်နိုင်ငံများအကြား ယှဉ်ပြိုင်မှုဥပဒေ၊ ယှဉ်ပြိုင်မှုမူဝါဒများနှင့်စပ်လျဉ်း၍ လက်ရှိ ဆောင်ရွက်နေမှုအခြေအနေများ၊ ဆောင်ရွက်ပြီးစီးမှုအခြေအနေများ၊ ရှေ့ဆက်ဆောင်ရွက် သွားမည့် အစီအစဉ်များနှင့် ရင်ဆိုင်ကြုံတွေ့နေရသော အခက်အခဲများ၊ စိန်ခေါ်မှုများအပေါ် ဖြေရှင်း ဆောင်ရွက်နိုင်မည့် နည်းလမ်းများကို အာဆီယံအဖွဲ့ဝင်နိုင်ငံများအကြား ညှိနှိုင်းဆွေးနွေးနိုင်ရန်နှင့် အာဆီယံနှင့် ဖွံ့ဖြိုးမှုဆိုင်ရာမိတ်ဖက်အဖွဲ့အစည်းများကြား နည်းပညာနှင့် ပူးပေါင်းဆောင်ရွက်ရေး ဆိုင်ရာကိစ္စရပ်များကို အပြန်အလှန်ဆွေးနွေးဖလှယ်ခဲ့ကြပါသည်။ ဆွေးနွေးပွဲသို့ မြန်မာနိုင်ငံမှ မြန်မာနိုင်ငံယှဉ်ပြိုင်မှုကော်မရှင်အဖွဲ့ဝင် ဒေါက်တာ သုတအောင်နှင့် ကော်မရှင်ရုံးမှအရာထမ်းများ ပါဝင်တက်ရောက်ဆွေးနွေးခဲ့ကြပါသည်။