ယှဉ်ပြိုင်မှုနည်းဥပဒေမူကြမ်းအပေါ် အကြံပြုဆွေးနွေးသည့် ဟောပြောပွဲအား ၂၀၁၅ ခုနှစ်၊ ဒီဇင်ဘာလ ၂၈ ရက်တွင် ရုံးအမှတ်(၃)၊ တိုးချဲ့အစည်းအဝေးခန်းမ၌ ကျင်းပပြုလုပ်ခဲ့ပါ သည်။ Korea Fair Trade Commission ကိုယ်စားလှယ် Deputy Director Ms. Cho Chae Sun မှ ယှဉ်ပြိုင်မှုမူဝါဒ သဘောတရားများနှင့် ဥပဒေဆိုင်ရာ သိမှတ်ဖွယ်အကြောင်းအရာများကို ဥပမာများနှင့်တကွ ရှင်းပြပေးခဲ့ပါသည်။ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာနမှ ဒုတိယညွှန်ကြားရေးမှူးချုပ်များဖြစ်ကြသော ဦးစိုးဝင်း၊ ဦးမင်းမင်း၊ ယှဉ်ပြိုင်မှုမူဝါဒဌာနခွဲမှု အရာထမ်း၊ အမှုထမ်းများနှင့် ဌာနခွဲအသီးသီးမှ အရာထမ်းများ၊ ပြည်ထောင်စုရှေ့နေချုပ်ရုံး၊ ပြည်ထောင်စုတရားလွှတ်တော်ချုပ်ရုံးနှင့် ဆက်သွယ်ရေးညွှန်ကြားမှု ဦးစီးဌာနမှ အရာထမ်းများ တက်ရောက်ခဲ့ကြပါသည်။