မြန်မာနိုင်ငံ၏ ကုန်သွယ်ရေးမြို့တစ်ခုဖြစ်သည့် ကျိုင်းတုံမြို့မှ စီးပွားရေးလုပ်ငန်းရှင် များအား ယှဉ်ပြိုင်မှုဥပဒေ၊ မူဝါဒနှင့် ယှဉ်ပြိုင်မှုဆိုင်ရာ ဗဟုသုတများ အသိပညာပေးရန် ရည်ရွယ်သည့် ဟောပြောဆွေးနွေးပွဲအား ၂၀၁၆ ခုနှစ်၊ ဩဂုတ်လ ၂၅ ရက်တွင် ကျိုင်းတုံမြို့၊ တိုင်းလိခန်းမ၌ ကျင်းပပြုလုပ်ခဲ့ပါသည်။ ပို့ကုန်သွင်းကုန်ရုံး (ကျိုင်းတုံ)မှ တာဝန်ခံ ဒုတိယ ညွှန်ကြားရေးမှူးနှင့် အရာထမ်းများ၊ ဌာနအသီးသီးမှ တာဝန်ရှိသူများ၊ ကျိုင်းတုံမြို့မှ စီးပွားရေး လုပ်ငန်းရှင်များ တက်ရောက်ခဲ့ကြပါသည်။